張栢芝亮相時裝活動高顏值在線 保持正能量勉勵女性坦然面對年齡

張栢芝近日現身北京出席時裝活動，以黑絲絨西裝配搭銀色閃石長裙，睇上去高貴大方，45歲栢芝依然keep得好好，更大方同大家分享維持「顏值天花板」嘅秘訣，就係時時刻刻保持好心情。

身為三子之母嘅栢芝勉勵女性要大方接受唔同階段嘅自己：「不一樣的階段，就要坦然去面對不一樣的過程。」栢芝又指就算遇到不如意嘅事情，要抱住正面心態。

同場仲有內地女星宋佳，以一身純白色長褲套裝，展現型格高貴一面，連佢都好滿意呢一身裝束，因為有型之餘仲著得好舒服，非常符合佢爽朗嘅性格。