林依晨、吳可熙同劉敬等現身新戲首映記招，作品係依晨誕下第二胎後首部作品，亦係佢首度擔任監製。戲中重遇二十年前嘅同性情人吳可熙，兩人再次挑戰大尺度嘅演出，開拍前佢哋都盡量培養感情，幫助入戲，可熙話會睇番依晨二十年前嘅舊相，而依晨就選擇保留多年無見，再重逢嘅感覺。
劉敬今次接受嘅挑戰唔少，戲中佢會戀上媽媽嘅初戀情人，跟可熙有大膽嘅情慾戲份，劉敬直認拍攝時好怕醜，因為已經到自己極限底線。電影題材大膽、挑戰禁忌戀情，如果喺現實中出現，劉敬坦言不敢想像，但會釋出善意睇吓有冇機會，嘗試去爭取。至於依晨若果遇到戲中情況，佢係會勇敢追愛。
