關智斌 一連兩場啟德演唱會星期六晚落幕，Kenny繼續大騷操練成果，與一眾男舞者展示強勁肌肉，又以大量高難度動作演出，不過當Kenny做出人肉鯉魚旗動作「Human Flag」時，就疑因跣手而凌空跌落舞台，幸背部著地未有撞傷。當時身旁多位舞者都即時趨前，而未有受傷嘅Kenny亦可自行起身繼續演出。
事後Kenny於社交平台亦親報平安，指片段睇起嚟確係有啲驚嚇，不過自己並未受傷，又笑言Pat Pat夠厚肉所以冇問題咁話。而呢晚亦有另一大隻仔 Tyson Yoshi 擔任嘉賓，佢仲同Kenny合唱剛陽味十足嘅《1994》。
