韓國男團SEVENTEEN周末於香港舉行兩場演唱會，成員 文俊輝 早前曾參與電影《捕風追影》演出，面首晚表演嘉賓就有已甚少於香港舞台現身嘅成龍罕有參與喇。
呢日嘉賓出場前，亦由文俊輝開口介紹，戴住眼鏡嘅成龍一現身舞台，就同成員逐一握手擁抱，Jun更指團隊演出一向甚少邀請嘉賓，呢次係為成龍破例咁話。
成龍呢晚亦喺啟德主場館嘅舞台指，隨住年紀越大，就越來越希望減少動作演出而發展音樂，而Jun就非常感謝成龍一落機就到場上台演出，之後成龍就話俾SEVENTEEN成員稍作休息，為現場觀眾演唱《真心英雄》。
