韓國男團Super Junior成員 崔始源 早前因為喺社交平台悼念遭槍殺嘅美國保守派運動人士Charlie Kirk引發網民爭議．事後始源刪除悼念貼文，亦發文解繹悼念因由，指係出於宗教以及同情理由，並非作政治表態。
雖然呢件事引發網民不滿，但係就未有太影響始源嘅心情，呢日佢現身上海出席時尚活動，仲話要把握時間見粉絲，因為佢話已有一段時間無嚟上海喇。
另外內地女演員朱珠因為喺《玫瑰的故事》飾演劉亦菲老闆人氣再度上升，憑佢高貴女強人形像不時受邀參加時尚活動，朱珠呢日現身北京，大受粉絲歡迎，佢亦好親民咁走近粉絲一齊自拍。
朱珠之前同鍾漢良首度合作嘅新劇煞科，但係因為佢喺煞科帖文中以大女主形容自己，引發鍾漢良粉絲不滿，事後朱珠亦發長文拆彈，解釋指劇集以女性視角展開，但唔代表男主角唔重要，仲話論起江湖地位同從業經歷，鍾漢良都係大佬級別。呢番言論可見朱珠EQ幾高，而佢亦透露另外仲有幾部作品待播當中。
