吳姍儒 有份主持嘅台語talk show節目開第二季，上一季因為Sandy懷孕生BB，節目中段請到 王彩樺 代班。而新一季幾位主持拍檔包括 許效舜 浩子 黃豪平 都講笑話，話擔心Sandy主持到一半又有咗，不過Sandy就大派定心丸指自己有忍住喎。
問到Sandy有無打算再生？許效舜就即刻爭住插嘴，話Sandy嘅人生道路，唔係產前就係產後，浩子都加嘴話Sandy係走在產業道路上，認真搞笑。
台灣金鐘獎日前公布入圍名單，Sandy幫小S代班主持嘅節目《小姐不熙娣》亦有份入圍主持人獎，不過入圍名單就只有小S同派翠克，Sandy就話自己完全唔介意，仲好戥派翠克開心添。
棒棒堂同樣有份入圍金鐘主持人獎，不過威廉早前因為逃兵事件影響工作，同許效舜合作主持嘅節目亦要換人，不過身為前輩嘅許效舜就希望大家可以俾威廉一次機會，話佢係人才，要將佢雪藏就好可惜喇。
