《中年好聲音2》唱將 顏米羔 首度開個人演唱會，不過首場遇上樺加沙強颱風襲港要改期至26號下晝補場，所以米羔就要挑戰喺27小時完成三場演出。米羔都話好考體力，不過亦係一個好好嘅成長方式，亦感謝朋友們支持、打氣。
米羔呢日嘅下晝場獲唔少前輩好似羅蘭、胡楓、姜大衞李琳琳夫婦、黃韻材等捧場，米羔一出場就化身孫悟空，寓意自己喺音樂路上打不死闖關精神，米羔仲邊唱《就是孫悟空》邊耍金剛棒，相當之有戲劇效果。
米羔因為冇正式學過唱歌，一直憑住讀書時參加合唱團學到嘅技巧走天涯，演唱會上亦請到母校嘅唱歌啟蒙老師以及合唱團嘅師姐參加演出，老師仲帶領入場觀眾唱埋一份，場面震憾。隨後米羔演唱《You Raise Me Up》，場面震撼。
米媽子亦有上台一齊演唱，更拉二胡為兒子伴奏《一起走過的日子》。米媽雖然學二胡只係興趣性質，但係要喺咁多人面對演出，難免都有啲緊張，但母子同台表演亦相當溫馨。
