早年選美出身嘅 羅霖 近日與一眾相識多年嘅成員參與活動，名媛蔡加敏更為慈善出力，贊助今次catwalk騷全部服裝。
羅霖同程瑤以及高田、朱千紅仲有張文婧 ，加上剛完成舞台劇演出嘅《中年好聲音3》唱將趙浚承，齊齊行catwalk同獻唱籌款，Candy同程瑤兩位好姊妹相隔多年再度攜手踏上舞台，身穿蔡加敏設計嘅時裝，又戴上藝術水晶飾物行貓步，而Gary更現場獻唱佢參賽歌曲《Forever Love》。
雖然久未上舞台行catwalk，不過Candy直言︰「現場見到好多認識嘅朋友，好似置身一個Party，所以行catwalk時都好有信心，加上今次係為慈善籌款，所以係好享受呢個舞台！」
而模特兒出身嘅程瑤就話︰「以前都經常擔任catwalk導師，今次好開心同羅霖仲有一班師妹齊齊為慈善出力，仲可以同型男Gary合作，以前有留意佢參加比賽時表現，覺得佢唱歌好好聽，現場聽更加無得頂！」
