陳展鵬自從愛女「小豬比」陳諾瑤（Quinta） 出生後，昔日Cool爆視帝被妻女融化，家庭生活更顯幸福美滿，佢近日忙為新劇《巨塔之后》四出宣傳，太太單文柔（Phoebe）就悉心照顧愛女，喺社交平台貼出女兒參加課外活動嘅影片，從小培養女兒嘅運動細胞。
話晒展鵬係前港隊乒乓球手，女兒遺傳佢嘅好動運動細胞，Phoebe就為愛女安排學溜冰，以及被視為「貴族運動」嘅馬術，媽媽Phoebe亦陪伴一齊上騎馬課，Phoebe開心留言：「好開心，同時間克服咗騎馬，挑戰到一件怕嘅事，好有滿足感。」小豬比仲有親自餵蘿蔔，跟馬匹清影培養感情。
除咗安排一連串課外活動「放電」之外，小豬比從國際英文幼稚園暨幼兒園畢業，今年升讀「IB神校」之稱嘅保良局蔡繼有學校，多次誕生IB狀元，學費為9萬元至14萬元等，可見見展鵬同Phoebe真係全方位栽培女兒。
