余香凝 日前現身旺角一間戲院向市民派爆谷，呼籲大家10月1號國慶日以半價買飛入戲院支持港產片。Jennifer嘅大女已經4歲，佢話由囡囡歲幾開始就已經帶佢入戲院，自細培養佢對睇戲嘅興趣。
Jennifer又話試過帶囡囡參加兒童電影節，戲院唔會熄燈，父母同小朋友可以一路睇戲一路傾偈，就算小朋友坐唔定行嚟行去都唔緊要。
Jennifer仲話仔女平時睇戲多數都係睇動畫，亦唔會刻意叫仔女睇自己嘅戲，不過有時電視重播就會睇到，Jennifer話因為有時戲入面嘅造型同私底下嘅自己唔同，戴咗眼鏡或者着咗校服，所以阿女多數認唔出邊個係媽咪。
佢又分搞笑享，近日因為新角色而剪短頭髮，搞到阿女好唔開心，因為阿女希望媽咪同多數公主一樣留長髮，童言童語非常可愛。
