《聲秀》16強學員日前首次現身公眾面前，參與Busking公開演出，仲同節目中收穫嘅Fans近距離見面，場面非常熱鬧。而 陳卓怡 跳唱演出後被唔少網民大讚演出，呢日佢亦公開獻唱《未知》時，一樣表現自在，非常放鬆，自言係四眼妹嘅佢，仲話好努力同觀眾眼神交流呀。
一連兩日嘅活動除咗參賽學員之外， 孫漢霖 同 林沚羿 亦有參與同大家打氣，導師 鍾舒漫 亦都親自到場為旗下組員打氣。Haru仲指台下冇評審心情輕鬆唔少，Jasmine就話同觀眾互動非常開心，Sherman就指呢次演出非常可以幫助學員面對之後比賽呀。
Jeffrey雖然早前被淘汰，不過唔少人都睇好佢未來發展可期，佢仲指自己心態比之前更為成熟淡定。至於蘇永康組嘅3位學員，都認為係熱門之選，其中Jenny仲被封為「初戀女神」，搞到隊友Ryan都話唔想同佢合唱呀。至於布子呢日一頭金髮現身，佢就指希望大家都會鍾意自己嘅新形象咁話。
《聲秀》星期日晚 20:00 翡翠台