《中年好聲音》造就咗三季中年追夢者踏上舞台，同時亦凝聚咗一班充滿愛嘅戰友組成大家族，每逢大時大節或者家族成員生日、開騷，大家都會聚首一堂。
仲有幾日就係中秋佳節，越嚟越強盛嘅中聲家族又搞聚會，三季「中聲」唱將黃博、劉洋、李金凱、沈宗賢、何博文同涂家堯等，邀請埋評審肥媽、韋綺姍、張佳添、周國豐同埋前輩黑妹姐出席。大家品嚐美食同時，部份人仲悉心妝扮戴晒兔仔耳頭箍。
一班熱愛音樂嘅朋友聚埋，又點會少得唱歌盡興，何博文就話自己有幸唱咗當年獲五燈成績嘅《李香蘭》喇。
中聲家族齊集慶祝中秋 三代唱將聯同評審歡聚
