Jumbo曝細女新相髮量Overload 兩孩同擁爆炸頭可愛度滿分

曾淑雅 自2023年成婚之後，同年就誕下大仔Kobe，當時因為BB頭髮超級濃密仲全部豎起，可愛爆嘅髮型成為大家狂Like對象，之後Kobe逐漸長大，不過頭髮就一樣又厚又密，中年男士見到真係羨慕到不得了呀。

而今年夏天，父母再誕下一女，Kobe成為哥哥，估唔到妹妹Serafina青出於藍，頭髮澎湃豎起程度仲勁過哥哥，而近日搬完屋嘅媽咪Jumbo，亦再公開妹妹嘅可愛爆炸頭造型，兩兄妹嘅髮量一樣強勁，非常有趣又得意。