新劇《巨塔之后》第2集，劇情講到鍾鎮濤飾演嘅王進濤，帶同馬國明飾演嘅長子王啟智，同埋蕭正楠飾演嘅次子王啟聰，以及孫囝乘搭嘅私人飛機出事墜機。吳若希飾演嘅王家大新袍陳麗雪，同劉佩玥飾演嘅二新抱文以珈到樹林尋找失蹤丈夫同囝囝。
Jinny同阿Moon兩人暴雨下喺樹林搵到經已離世嘅丈夫同兒子，畫面催淚。拍攝當日劇組出動水車營造落暴雨場面。正式拍攝時，大家都收起笑容投入情緒拍攝，阿Moon將亡兒抱入懷中，痛哭聲令人心痛。由於阿Moon情緒太激動，到停機時，仲要挨住囝囝慢慢平伏情緒。
阿Moon憶述拍攝當日，話自己喊到停唔到，劇組亦把握一分一秒繼續拍攝捕捉佢嘅表情。阿Moon仲講到拍《巨塔之后》時，一直抽離唔到文以珈嘅心情，直至喺布拉格返港，父母喺機場接機時，先突然記起自己身份係人哋個囡，係劉珮玥。
《巨塔之后》星期一至五 20:30 翡翠台