羅子溢同楊茜堯呢對夫妻結婚多年仍然恩愛如昔，感情好到同糖黐豆一樣，不時大方放閃曬二人世界拍拖時刻，亦分享同一對仔女嘅幸福家庭點滴。
而喺10月2號，即係子溢同茜堯嘅結婚9周年紀念日正日，子溢喺社交平台分享多張當年婚宴照片，更有換上卡通熊公仔人偶裝嘅子溢上台向老婆愛嘅照片，同埋子溢換裝時嘅花絮照。
時隔9年睇返二人喺婚禮上嘅甜蜜畫面，令大家感到幸福滿瀉！子溢撰文向老婆告白：「結婚九周年快樂，婚禮上我對你嘅承諾係，永遠愛錫你，共渡餘生。我會繼續愛妳。」
唔少粉絲喺子溢嘅Post留言，祝福二人繼續甜甜蜜蜜，「姐姐、姐夫，Happy anniversary。繼續幸福快樂」、「姐姐姐夫週年快樂」、「要繼續一直幸福快樂美滿」。
