視后龔嘉欣噚日現身電視城出席「傑出員工嘉許計劃」頒獎典禮，獲頒無綫傑出員工獎，嘉欣一身灰色連身裙打扮非常高貴優雅。造型百變嘅嘉欣唔只著正裝好睇，其實佢嘅學生Look仲係好青春無敵。
35歲嘉欣早前參與一個慈善活動重返校園，同一班同學仔玩遊戲打成一片，著上制服、紮上孖辮嘅嘉欣好有學生feel，連佢都話呢套衫好似讀書嗰陣嘅PE衫：「呢日我哋完全感受到返番去校園生活，着起呢件制服，我哋都話好似以前讀書時候嘅PE衫。真係回憶返晒嚟，同成班咁年輕嘅同學仔一齊，玩遊戲做任務，真係好青春呀，一日Day Camp活動，希望同學仔都玩得開心，喺忙碌嘅學業可以輕鬆一下。」
一眾粉絲喺Post大讚嘉欣呢個造型有青春氣息、完全零違和感地融入中學生，連好友楊秀惠都忍唔住問：「為甚麼你可以keep得那麼棒」，嘉欣就反問老友：「你才是啦，生了幾個可愛寶寶，還是這麼fit這麼美，希望將來可以和你一樣。」
