鍾柔美、詹天文、羅啟豪同劉威煌日前現身馬場獻唱，Yumi同Windy為國慶呢個大日子更打扮得紅噹噹，非常喜慶！兩位輪流帶來連串快歌《大雕刻家》、《初戀》，又合唱《今期流行》、《失憶週末》，現場氣氛非常熱鬧。
Windy預告將會出新歌，自己亦有參與歌曲創作，敬請粉絲期待。啱啱推出新歌《不欠你一個朋友》嘅Yumi就話，歌曲MV有喊戲情節，對自己都係一個新挑戰，加上自己唱開快歌，希望令大家見到自己新一面。
Ramon同威煌不約而以西裝造型亮相，雖然官仔骨骨，但唱起歌來一樣好有爆炸力。除咗獨唱，兩位中聲前後屆師兄弟亦第一次合作同台合唱《讓一切隨風》，默契非常好，展現唱家班實力。威煌多謝一眾粉絲愛戴，仲話好在有Ramon傍住，所以自己好開心，覺得件事好順利。威煌就話自己由中一開始留意Ramon，點知Ramon話自己係由《超級巨聲》留意威煌，非常好笑。
