獨家・家傳之「保」丨黃翠如體驗爸爸魚販養家生活 蕭正楠笑老婆劏魚要半個鐘

黃翠如參與拍攝全新節目《家傳之「保」》去到魚檔賣魚，體驗黃爸爸當年做魚販養家嘅生活，翠如一早就跟魚檔老闆去魚市場攞魚，仲向老公蕭正楠大騷學藝劏魚嘅成果，點知阿蕭就話平時喺屋企妳連刀都唔掂，竟然咁快學到切魚鰓？翠如即扁咀話「我唔鍾意你講呢啲嘢。」

阿蕭嚟到魚檔，除咗欣賞老婆翠如為魚檔擺檔，將啲海鮮排到靚一靚。當然落手落腳幫手賣魚，佢仲費盡唇舌，兼且貼埋錢做生意，叫街坊平買海鮮，自己補差價。兩公婆喺魚檔非常落力，翠如仲為顧客劏魚，不過阿蕭就笑老婆用咗半個鐘劏魚，最後兩公婆獲得一隻巨蟹作為酬勞，而兩人相處嘅歡樂氣氛，亦感染到囝囝「蕭哈哈」。