曾樂彤作客 TVB娛樂新聞台節目《StarTalk》接受主播許文軒專訪，暢談新歌《單身不會死》嘅製作點滴，以往作品都會搵未婚夫徐浩做監製，不過令次就破格搵嚟陳考威合作。曾樂彤解釋因為搵未婚夫都係要排隊同畀錢，而新歌係陳考威作品，因利成便由對方做監製會更貼近創作原意。

曾樂彤與未婚夫合作多年，直至近年先譜出愛戀，話當初認識時，大家各自有對象，而徐浩喺佢眼中係尊敬嘅前輩，因為對方比自己年長12年。直至兩人拍拖後，曾樂彤曾表明係不婚主義者，但男友徐浩話會令佢改變諗法。果然徐浩嘅處事，以及對家人朋友嘅態度，令曾樂彤覺得呢個人係好人，從而令佢萌生結婚念頭。

曾樂彤更大方同Edmond分享前年徐浩喺巴黎嘅求婚過程，大家收睇訪問感受兩口子嘅既幸福又搞笑嘅回憶。