視后 胡定欣 發放中秋震撼彈，已與醫生男友共諧連理，團圓共度佳節。簡單幾張相片浪漫又甜蜜。
去年底定欣單身多年後終於公開感情狀況，與外科醫生 陳健華 指拖滑雪公開戀情。據報男方畢業於中大醫學院，係一名資深外科醫生，更長期投身無國界醫生組織，曾赴巴基斯坦、南蘇丹等地區參與救援，憑內在性格打動定欣。兩人相處低調。
今年4月，定欣於慈善活動中坦承兩人感情穩定：「相處非常愉快」，當時曾坦言暫無結婚計劃。
早年定欣參加《TVB 周刊》Covergirl選舉嶄露頭角，2001年加入無線電視藝員訓練班，2004 年正式簽約TVB開啟演藝之路。出道初期，因外形被定型為「反派專業戶」，常飾演「壞女人」或「妖女」角色，例如《大唐雙龍傳》中風情萬種的婠婠，雖戲份有限卻憑獨特魅力讓觀眾印象深刻。
後來於《拳王》中飾演啞女丁恩慈，憑藉無台詞但充滿層次表現打破戲路限制，此後逐步晉升為主角。後來《鬼同你 OT》嘅女鬼姜蓉、《城寨英雄》嘅刁蘭兩個反差極大角色，令佢連續兩年奪得台慶頒獎禮「最佳女主角」，成為首位連任視后嘅女演員。
去年佢喺《巾幗梟雄之懸崖》飾演「七爺」鄧桂婵，之後最近又開辦多場個人音樂會，積極拓展內地市場。
雖然事業發現順利，不過定欣感情發展就頗為曲折，早年佢曾同吳浩康有過公開戀情，2006 年因負面新聞分手，後又曾同馬國明、音樂人陳明道等傳出緋聞或短暫交往，均未修成正果。自2016年起更經歷長達9年單身時光，期間全身心投入事業，一度被外界認為「情感封閉」。
