視后 胡定欣 喺中秋佳節宣布成為陳太，與外科醫生 陳健華 拉埋天窗，並於社交平台上載唯美婚照，與網民分享幸福時光。
定欣嘅結婚消息一出後，大批圈中人留言祝賀一對新人，亦有網民留意到佢哋嘅婚禮場地。根據定欣Po出嘅照片，兩人婚禮應於紐西蘭知名嘅The Rippon Hall酒莊舉行。酒莊中除咗可以俯瞰當中嘅葡萄園外，仲可以一覽瓦納卡湖（Lake Wanaka）、南阿爾卑斯山同紅寶石島 (Ruby Island Cruise)等美景，由於環境清幽，吸引到唔少新人選擇此場地舉行婚禮。
據官網顯示，兩日嘅婚禮場地租賃，預訂費用約14,500紐元(約65,00港幣)，開闊場地可容納 230位賓客；至於接待同儀式地點則共有三個場地供選擇，當中包括無邊際景觀露天劇場、主廳或帳篷。
