吳若希忙於宣傳新劇巨塔之后 下月到佛山新場館開騷會歌迷

吳若希 喺新劇《巨塔之后》入面飾演陳麗雪一角獲觀眾大讚演技進步，Jinny對亡夫嘅恩念之情令人動容。忙於為劇集宣傳嘅Jinny，宣布繼澳門站之後，下月將於佛山舉行演唱會。

Jinny直認澳門站令佢唱得意猶未盡，但因忙於拍劇同其它工作，所以要到11月先可以喺佛山同大家再次見面。講到今次佛山嘅會場，Jinny將會係首位喺嗰度演出嘅歌手，因為之前係從未做過任何演出。巧合地，演出會場附近，曾經係《巨塔之后》嘅取景地，Jinny都覺得係一種緣份，非常期待當晚嘅演出。