王菲嘅大女 竇靖童 啱啱先喺香港開完巡迴尾場，話咁快Leah就已飛到法國巴黎，出席名牌嘅2026春夏時裝騷，童童著住簡約針織衫加及膝五分長西褲，襯黑長boot，睇上去俐落又有型。
最令人矚目嘅係，童童喺騷上毫不避嫌同周迅並肩而坐，兩人全程密密斟，絲毫冇受到「同性密友」嘅傳聞影響，年齡相差24歲嘅童童同周迅互動自然，因此內地媒體以「跨越代際的靈魂共振」形容佢哋。
同場唔止有井柏然同超模劉雯呢對情侶檔，有「人間香奈兒」之稱嘅BLACKPINK成員Jennie，當然亦以品牌最具代表性嘅大使身份出席啦！壓軸登場嘅Jeanie著住淺綠色小背心加上超低腰裙，將Jennie性感又俏皮嘅性格表露無遺。
