恭喜恭喜，45歲莊思敏Jacquelin 於三年前離婚後，喺10月8日於峇里島低調舉行婚禮，與拍拖一年半嘅高級督察男友黃耀彬拉埋天窗，夫妻完婚後翌日，Jacquelin喺社交平台分享再婚喜訊，穿上谷胸緍紗嘅Jacquelin身材搶眼，流露幸福甜蜜樣子喺教堂行禮，由老公幫佢戴上婚戒，兩人深情擁抱對望親嘴甜到漏。
到晚上舉行婚宴場地上，見到J&M嘅英文縮寫代表住一對新人，Jacquelin同老公喺璀璨嘅煙花下同賓客慶祝，場面浪漫。Jacquelin喺婚照留言話：「多謝大家的祝福，由於男方是圈外人，我們決定低調處理。希望大家給予我們空間，謝謝大家！」有指W先生是高級督察，外形高大，爸爸係上巿公司高層，家境富裕。
據知一對新人只係邀請咗圈中要好朋友出席婚宴，包括胡杏兒夫婦、劉晨芝都係席上客，仲有妹妹莊思明Lisa同男友楊明，而黃健東則為婚禮擔任司儀，吳若希Jinny就做表演嘉賓獻唱《越難越愛》為呢對新婚夫婦送上祝福。
