10月10號係張寶兒34歲生日，陀B八個月嘅Bowie喺生日前夕公開咗一輯孕婦寫真，Bowie著住超deep v裸色貼身裙，成條裙鑲滿水鑽，搭配粉紅色羽毛拖地大披肩，為陀第二胎留下美麗倩影。
Bowie今年六月宣布懷有第二胎，據知佢嘅預產期喺12月，儘管已經懷孕八個月，但Bowie除咗有巨肚，四肢依然纖瘦，得天獨厚嘅體質令人羨慕。
Bowie嘅靚靚懷孕寫真一出，除咗老公袁偉豪第一時間留言讚老婆，其他多位圈中好友好似湯洛雯、陳自瑤、姚子羚、胡蓓蔚以及新婚嘅莊思敏等都有留言大讚佢係最靚孕婦。
而Bowie就用英文寫下即將第二次當媽媽嘅心情，佢形容自己就像一隻火烈鳥喺平衡中搵到優雅，「我正在學習第二次當母親，發現自己可以更柔軟更堅強」。
