溫碧霞Irene 繼上月獲《第三屆柬埔寨亞洲電影節》頒發「終身成就獎」後，早前再獲桂林市文化廣電和旅遊局主辦嘅《鳳凰網主播紅人盛典2025桂林紅人季》，頒發「紅人引領風尚人物」獎項。
Irene於台上領獎時，先感謝一路以來每位支持自己嘅觀眾、家人同團隊，直言係大家嘅支持先令佢可以勇敢前行，之後Irene又表示：「我相信，女性的獨立與優雅，不僅是一種姿態，更是一種力量。未來我會繼續用真誠和創作，去傳遞屬於女性的風尚與美麗。」出席完頒獎禮後，Irene照例與團隊於桂林遊玩一番，之後再先再與團隊飛往巴黎出席時裝周。
今次Irene於巴黎時裝周收穫甚豐，佢先獲荷里活導演邀拍《武則天》，之後另一部法國電影嘅導演，亦即場邀請佢演出一部關於小提琴家愛情故事嘅電影，對於導演嘅賞識，Irene一口答應，並暫定於明年開拍。
無獨有偶，兩位導演都稱讚Irene美得猶如只有30歲，笑言喺芸芸美女嘉賓中，一眼就睇中咗佢呀。
