旅遊達人兼「潮什麼」系列主持 梁芷珮 （Christy）經常孖住老公出走，二人最近仲去到塔斯曼尼亞，Christy更大讚當地嘅美食同風景好好，係一個世外桃源。不過喺10月10號，Christy自爆同老公發生一件與死神擦身而過嘅驚險事件！
Christy喺社交平台上載短片，片中可見喺山路之中，有一棵大樹倒塌而攔截兩條行車線，Christy老公同幾位外國人一齊嘗試移開大樹，最後集6人之力先成功將樹移到旁邊。
Christy喺配文表示：「相信架車揸快小小，呢舊木就會跌咗喺我哋到，諗返都有小小危險。Thanks god我哋今日唔趕。」仲大讚本地伯伯超勁：「一落車已經識得喺條木嘅尾嗰度，用槓桿原理攞嚿小木撬起舊大木。如果唔係佢我哋都唔知等幾耐先至離開到呢度。」最後Christy亦提醒10月玩Tasmania自駕遊嘅朋友要小心，因為當地係會好大風好大雨。
唔少網民睇完Christy分享都話夫妻二人係「執返身彩」，又大讚當地人有頭腦，好彩大家團結先可以搬走棵樹。
