熊黛林 2016年與 郭可盈弟弟 郭可頌 成婚，兩人婚後組織幸福家庭，誕下一對孖女，一家四口幸福美滿。郭可頌對Lynn愛護有加，早已成為愛妻號行列。Lynn成為媽媽後亦以家庭為重，不時親力親為湊小朋友，同老公享受家庭樂。
10月10日係Lynn嘅45歲生日，佢喺社交不平台展示出多張素顏照片慶生，Lynn拎住榴槤造型嘅蛋糕同老公頭貼頭合照，其中一張全家福裡面見到一家四口流露住美滿笑容，Lynn攬住一對孖女幸福滿瀉。另外一張Lynn素顏大頭寫真盡現佢嘅天賦，喺無化妝之下顯見Lynn皮膚白滑輪廓清晰，保養得宜。
而兩位千金唔經唔覺已經日漸長大，遺傳父母嘅良好基因，獲一眾網民送上祝福，唔單止大讚兩女兒可愛靚女，更覺得Lynn同老公郭可頌愈來愈有夫妻相，全家都咁靚咁標緻。Lynn亦喺生日照留言：「開心嘅原因有好多，可以係今日天氣好好，也可以係頭髮長咗，仲可以係收到好多祝福，祝我生日快樂。」
