巨塔之后丨宣萱陳煒「煒萱CP」花式擺甫士 黃庭鋒加盟明塱成爭鬥關鍵人物

熱播劇《巨塔之后》播出進入第三個星期，呢日劇集齊集宣傳，宣佈該劇喺翡翠台首播嘅佳績，暫時成為兩線劇七天跨平台首播收視冠軍，宣萱與陳煒喺劇中見二人火藥味十足，但網民對呢對「煒萱CP」非常受落。

宣萱與陳煒即場花式擺甫士派福利，宣萱笑指收到好多網民畀高難度動作圖佢哋參考，二人喺後台都有研究吓，當中有一個要背對背、用腳做嘅動作，宣萱笑言做完要入醫院。

即刻重溫《巨塔之后》精彩劇情 

由黃庭鋒飾演嘅靚仔醫生喺呢個星期加盟明塱，成為宣萱與陳煒爭鬥中嘅重要人物，經常要同兩位氣場十足嘅女王對戲，庭鋒就話既緊張又膽怯。

劉佩玥因拍呢套劇跟「繼女」樂珈嘉結緣，二人因一程高鐵偶遇而變得熟絡，戲外更感情好到上契，劉佩玥笑指二人係仆出愛。講到嚟緊開演唱會，劉佩玥話係零包袱，心情就有啲緊張，希望以自己鍾意嘅音樂跟粉絲gathering。