譚耀文入行37年，因為做《聲秀》導師而被記起當年佢係參加新秀得獎而入行。呢日阿譚現身個唱記招，宣布12月重拾歌手身份舉行自己首個個人演唱會，更得到陶大宇、梁詠琪、張智霖、鄭秀文、佘詩曼、伍詠薇、湯寶如、鄭浩南、陳偉霆等多位星級老友拍片支持。
阿譚喺《聲秀》嘅三位學員布子殷、蕭凱恩同胡港豐就夾份買咗一份禮物送俾譚Sir。阿譚仲話到時一定要學員們唱埋一份，更叫佢地喺受訪時即場演唱《失魂記》，令大家可以耳朵享受甜品。
阿譚除咗為學員諗個靚位演出，當然精心設計演唱會嘅歌單，事前仲喺網上徵求大家嘅意見。睇完大家嘅許願後，阿譚都話原來有好多歌都未喺演出時唱過，連卡拉OK嘅MV版都冇，所以呢次有機會將佢哋出土。
