視帝陳展鵬一向係愛妻號天花板，最近又再發功，喺結婚七周年（13號）發布一系列同太太單文柔（Phoebe）影嘅靚相慶祝銅婚，展鵬仲相當鬼馬同太太Phoebe著上禮服戴起拳套玩打擂台，唔介紹拍攝多張扮被太太打臉重擊嘅甫士，寓意願做另一半嘅出氣沙包，分擔太太嘅怒火！
展鵬以文字大方表白:「無論幾忙，都要記低每年今日嘅日子作為紀念！無論發生咩事，正所謂夫妻床頭打交床尾和，時間過得話唔快話慢唔慢，呢段日子得來不易要好好珍惜，係七年之癢定七年之養，取決於心境，祝所有七年之癢嘅夫妻朋友快快樂樂，白頭到老！」
展鵬2018年迎娶年輕13年嘅Phoebe，唔只甜甜蜜蜜度過「七年之癢」，Phoebe為老公誕下可愛嘅囡囡陳諾瑤 (小豬比），婚後Phoebe主力做全職主婦照顧女兒，湊小朋友盡心盡力， 小豬比亦健康快樂成長，囡囡今年仲成功升讀一條「IB神校」，算係為囡囡鋪好未來升學之路。
