王鎮泉 Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，TVB娛樂新聞台嘅「電影泉攻略」個個星期陪你睇新戲。

最近台灣一部紀錄片《交換禮物》，花費多年時間探訪多位唔同癌症患者，以及陪病者嘅故事，呢日《交換禮物》嘅導演林明謙聯同主持曾寶儀作客《影人Talk》，同大家分享拍攝嘅歷程。

寶儀身邊嘅親友都係患者，問到拍攝完呢齣紀錄片後，心態會唔會有所改變？寶儀就話因為人有好多慣性，即刻有時大腦明白咗，但當去到醫院時，又會再次責怪患病點解唔聽話，事後又會懊惱自己點解又會犯呢個錯誤去責怪對方，不過寶儀指拍完呢齣紀錄片，以上嘅內耗會縮短。

導演林明謙就話去美國拍攝時，令佢哋學到好多嘢，佢指大家都知道要畀病人自己去做決定，但係當一到病房，人就會心急，林明謙指佢哋知道嘅事冇辦法同病人講，要等病人自己去做決定，亦應該要尊重對方嘅決定。林明謙坦言呢個時候係最難過，又指呢個時候連曾寶儀都唔想去拍。曾寶儀指即使事前點樣說服自己要中立，去到只要聆聽對方嘅說話就好，但一到拍攝時，聽到對方嘅說話就會好想反駁，忘記咗有攝影機拍緊。

本周電影新片速遞有
《選擇有罪》
康城最佳導演朴贊郁，聯手兩位大滿貫影帝李炳憲及孫藝珍破天荒合作。資深紙廠管理層萬洙25年來營營役役地工作，與妻子美利一家四口過著人生勝利組嘅美滿生活。直至一天佢收解僱通知，為咗維持幸福家庭，萬洙決心要喺3個月內搵到新工。

《接駁靈聲2》
續集恐懼提升至全新層次！四年前，13歲嘅芬尼從綁架者手中逃脫，成為唯一倖存者，不過真正嘅邪惡從未真正死去，嗰部象徵死亡嘅黑色電話，竟然喺深夜再度響起！

呢個星期嘅票房戰況，直至10月15號中午，第三位《劇場版鏈鋸人：蕾潔篇》、第二位《風林火山》、第一位《創戰紀：戰神降臨》。