胡定欣參與全新節《家傳之「保」》，體驗家族三代經營海味店嘅工作，佢落手落腳搬貨送貨，定欣話成個環境，每一樣陳設同貨品充滿佢童年畫面，甚至一粒元貝都擁有佢嘅回憶。
定欣邀請貌似兩姊妹嘅媽媽亮相，出名係孝順女嘅定欣仲細心幫媽咪扮靚。定欣由細到大食盡唔少山珍海味，尤其對女性滋潤嘅花膠，所以佢有亮滑嘅肌膚，全靠家人嘅功勞。
重溫《家傳之「保」》精彩內容
拍攝當日，唔少街坊見到定欣呢位世侄女都份外親切，店舖有呢位靚女做生招牌，生意又點會唔好。重返海味街，聞到熟悉嘅味道，伴隨住電車嘅叮叮聲，見證時代變遷，定欣明白傳承嘅重要。
