金曲歌王 蕭敬騰 近日推出全新單曲〈為愛狂歡〉，新歌仲係佢同新加坡旅遊局合作嘅作品，當局曾同繼搖滾天團Coldplay、天后Billie Eilish、韓流天團BLACKPINK成員Jisoo、BTS防彈少年團成員Jin等國際藝人合作，今次就同華語樂壇知名歌手 老蕭 以國際規格發布單曲。
〈為愛狂歡〉由老蕭本人作曲，MV於新加坡多個知名地標取景，除此之外，佢亦將於月式喺當地舉辦「野生」世界巡迴演唱會，仲係佢相隔6年再次站上獅城舞台。
蕭敬騰為新歌早前首次飛到當地拍攝MV，仲話：「雖然來過新加坡很多次，每次要來這裡還是特別開心，尤其新加坡有吃不完的美食，特別棒。我還記得很多年前來演唱會，跟和聲老師和髮型師在克拉克碼頭坐高空盪鞦韆，其實我很怕高，所以印象很深刻。」
今次佢為拍攝更喺新加坡街頭玩滑板，又途經新加坡不同街道同各大景點，更到餐廳裡取景，令老蕭可以趁機大快朵頤：「來新加坡該吃的一定要吃，透過拍攝能夠在很多街道和巷弄走一走，還可以邊拍MV、邊吃美食，太好了。」
老蕭又笑指，唔少人話新加坡歌迷比較冷靜，但每次到當地演出都可以感受到當地歌迷嘅熱情，佢更透露演唱會將有超過3小時演出內容：「只要主辦不趕我收工，只要觀眾想聽，我一定陪大家到大家開心滿意。」