被視為香港電影都市傳說嘅《風林火山》同《尋秦記》，前者早前終於正式公映，而由經典劇集改編嘅《尋》，亦由古天樂同林峯兩大主角正式宣佈將於2026年元旦上映，新片沿用劇集版演員 「項少龍」古天樂 「嬴政」林峯 「烏廷芳」宣萱 「趙倩」雪兒 同「琴清」郭羨妮等繼續參與演出。
雖然影片拍畢已一段時間，不過大家仍然非常期待，而近日正有新劇《巨塔之后》熱播嘅Jessica到新加坡工作，居於當地嘅Michelle就唔止突然出現，仲靜靜雞突襲擁抱Jessica。當Jessica轉身一見原來好友捧場，就驚喜到尖叫狂跳兩人抱作一團，仲即時雞啄唔斷分享近況，非常搞笑。
新加坡出身嘅Michelle，早年來港與郭富城拍攝電訊廣告後一炮而紅，之後留港發展拍攝過唔同劇集同電影，2010年與英籍丈夫成婚，之後亦曾回港客串《飛虎之潛行極戰》以及《殺破狼·貪狼》等作品。
