應屆香港小姐幾位得獎佳麗日前現身參與《善心滿載仁愛堂》，履行佢哋嘅親善任務，而其中季軍 袁文靜 就改以一頭清爽短髮新形象示人，參選後就一直被冠以得意妹稱號，持續更新社交平台嘅佢，更非常努力更新全新嘅演藝圈生活。
袁文靜又繼續抽時間吸收新知識，近日先參與美國巨型投資公司黑石集團創辦人蘇世民嘅講座，更獲得對方簽名。佢除咗參加慈善節目之外，早前又以多個造型拍攝中秋宣傳片，近日佢再同亞軍 施宇琪 亦同時與 林盛斌 合作擔任全新綜藝節目《攻你上大學》主持，阿Bob近日就預告節目玩法，嘉賓答啱問題就會由小學一年級一直升級至大學四年級，答錯就要留班，勝出唔止會正式「畢業」，仲有獎學金，聽落非常有趣。
而首次擔任主持；身為碩士嘅Jane同英國名牌學府劍橋畢業嘅Angela，就被阿Bob讚許首次落場表現不俗，Jane亦回應多謝阿Bob，不過當中就將「包涵」寫成錯別字，引起笑料。但係以香港慣用嘅繁體字回應就已經加晒分，少少錯別字就似係因為普通話發音近似所致啫。
阿Bob之後亦Cap圖，指文靜係近年至可愛嘅港姐之一，又寫道：
話說我今朝出咗個post，隔咗冇耐就見到呢個留言。
其實我知道你啲廣東話講得唔係太好，只係冇諗過，你寫出嚟都會係咁。
我諗以後你打字都係手寫或者用返拼音，唔好再用語音啦，如果唔係好易瀨嘢。
呢鑊真係水洗都唔清，點同老婆解釋好呢……..
