陳煒 於《巨塔之后》同 宣萱 力爭明塱集團主席，情人正室惡鬥爭產，仲係兩大戲精參與，故事真係引人入勝。唔知今次係咪同「御用肉參」正面對決嘅關係，煒哥真係嚴陣以待，再次於社交平台發佈福利照，呼籲大家支持自己坐正主席之位呀。
「方欣」大方得咁緊要，咁樣拉票真係犯晒規，佢仲寫道話：福利唔嫌多，開心就好🫶🏼🫶🏼🫶🏼繼續支持《巨塔之后》，主席之位就到手啦😏😏😏強勁Body難怪可以引到「王進濤」神魂顛倒喇。
其實煒哥年前已經同醫生老公出遊時大派福利，當時嘅三點式比堅尼加上無敵笑容已經狂吸近2萬Like，今仗再以深綠低胸蓮蓬袖泳衣再出戰，再補多一對雪白美腿，咁落力催谷收視，唔知「董一妍」又會點回應呢？
《巨塔之后》星期一至五晚 20:30 翡翠台