何猷君（Mario）喺2019年與內地超模奚夢瑤結婚，同年誕下兒子何廣燊（Ronaldo)，成為已故賭王何鴻燊首名男孫，不經不覺Ronaldo即將6歲，日前何猷君以NBA塞爾特人隊董事身份，攜妻子奚夢瑤及兒子何廣燊出席球隊慈善晚宴。
奚夢瑤喺社交平台曬出合照，奚夢瑤身穿中式套裝，大曬長腿十分吸睛，而兒子何廣燊贏在起跑線，似係遺傳媽媽超模身高，身穿西裝嘅阿仔，身高已到父母腰間，不少網民覺得何廣燊身高似媽媽、笑容似爸爸猷君。
猷君與奚夢瑤喺2018年拍內地綜藝節目《愛的時差》，二人喺節目中互動甜蜜，戀情逐漸浮面，奚夢瑤更慢慢融入何家，猷君於2019年5月準備近10萬支玫瑰，高調向奚夢瑤求婚，同年7月即宣布結婚，其後於10月分享成為人父母，奚夢瑤為何家誕下長孫何廣燊，兩年後再誕下女兒Romee，湊成「好」字。
奚夢瑤做咗何家少奶奶，先係修讀北京大學與香港大學嘅EMBA聯合課程，於2024年獲得港大高級管理人員工商管理學碩士學位，目前仍有參與模特兒工作。
