介紹機場各個唔同崗位幕後英雄嘅《飛常日誌》，令一般市民都更為了解世界前列嘅香港機場有幾犀利。而新一輯《飛常日誌II》呢日舉行開鏡儀式，馬國明 高海寧 劉穎鏇 洪永城 朱敏瀚 郭柏姸 戴祖儀 吳偉豪 仲有 周嘉洛 鍾柔美 張馳豪 等新血加入，去年港姐冠軍 魏樂琳 亦成為今輯其中一員。
上輯一身空中小姐打扮令唔少觀眾心心眼嘅Tiffany，轉個頭已升職成為管理人員，而同樣升職嘅馬明，仲會出Trip呀。嘉洛就指自己係跟住馬明學嘢嘅小MT，仲斗膽同師傅爭女仔呀。
Tony於機場閒逛時都不忘請教真正式工作人員工作細節，高Ling仲話有唔少旅客亦誤認Tony為真職員求助呀。Rosita就會成為機師，而朱仔仲會教授新一輩見習飛行員。
Aska扮演前男團成員加入保安團隊，而Yumi亦係跟住高Ling學嘢嘅見習管理人員，不過就被調走往停機坪，佢仲話大開眼界咁話呀。
