「風少」陳浚霆 同「素素」 古佩玲 呢對CP終於公開認愛，喺《愛．回家之開心速遞》終於修成正果，一段地下情唔止被熊家上下全部知道晒，仲竟然夾埋想呃埋根叔，結果最後就梗係薑係老嘅辣，一招令風少勇救美人而自行公開戀情喇。
其實唔止劇中冑愛，Andrew同Kelly連戲外嘅嘅緋聞亦傳聞已久，多次被外界指出戲假情真，戲外一樣甜蜜，被問到對方評價時一樣有讚冇彈，而社交平台亦不時見兩人分享合照。
2019年參選港姐獲季軍入行嘅Kelly，入行後隔年就加入《愛．回家》飾演島大學生「武淺靜」，到2021年正式以神婆申瑞素一角成為呢部長壽處境劇嘅成員，雖然年來亦有參演其他劇集，不過素素同風少嘅微妙感情就最受注目喇。
至於Andrew除「風少」一角外，參與《超級巨星4》入行嘅佢，早前推出歌曲《大個之後》之餘，亦於台慶劇《金式森林》扮演郭晉安嘅次子方學勤，佢上周仲搞笑指，啱啱先喺《愛．回家》認愛有女友，轉頭《金式森林》就已娶陳星妤做老婆，果然係計畫趕不上變化呀。
