近日 張柏芝 被網民野生捕獲，同一名小鮮肉漫步中環，兩人邊行邊傾，唔少網民都好好奇呢位小鮮肉究竟係邊位？ 原來佢係內地演員邵兵嘅囝囝 邵子恒 ，亦係組合POLARIX成員之一。
柏芝同子恒一齊現身香港鬧市，原來係因為正拍攝內地節目《一路繁花2》，因為呢次合作，佢哋亦都越嚟越熟絡，柏芝更喺社交平台出post，祝賀19號生日嘅子恒21歲生日快樂。
雖然柏芝同子心恒相差24歲，但係柏芝不嬲有凍齡天花板之稱，所以兩人企埋一齊，真係完全睇唔到歲月嘅差距，唔少網民都大讚柏芝嘅顏值同狀態真係一絕，尤其佢啲衣著更係越嚟越青春。
好似佢近日亦上載咗一輯喺泉州拍攝嘅照片，相中嘅柏芝著上碎花短裙，加上一對短boot，頭上更戴上花花頭飾，真係靚到驚為天人，唔少網民留言大讚柏芝「美得不像話﹗」、「姐姐殺我」、「這狀態完全看不出已經是孩子媽了」、「啊啊啊女媧，下輩子我要長這樣﹗」
