現年74歲嘅藝人 鄭則仕（Kent哥），憑經典角色「肥貓」而成為一代人嘅集體回憶。最近Kent哥就同王晶女兒王海榛一齊拍片，雖然Kent哥身形消瘦，連鬚都白晒，不過就依然非常精靈，仲喺片中扮演「肥貓」嘅神態動作，完全係神還原角色！
Kent哥呢條片嘅標題係《我不是肥貓 …我是鄭則仕 我還在》，原來係因為近年頻頻有人話佢已經仙逝，令佢不得不澄清，同大家講「哈哈，放心，我還在。」有唔少網民睇完呢條片亦留言表示「我現在的記憶真的出現了差錯了嗎？我記得肥貓不是在2021年去世了嗎？」、「不對啊，我記得之前，都上熱搜過的啊，比達叔（吳孟達）還早的啊。」紛紛形容係「曼德拉效應」影響，但亦都好開心見Kent哥咁精神拍片，祝佢身體健康。
