有傳媒報道 郭富城 親自駕車載同外母往醫院，逗留個多小時後，由護士協助下將新生BB放上座駕，有指城城全程都非常都非常緊張。早前已盛傳BB係男嬰，令城城打破「四大天王」嘅外父命「無子魔咒」。
城城早前完成內地巡唱後，隨即返港陪方媛待產，日前佢旗下愛駒「舞林密碼」於跑馬地出賽夫婦仲齊齊現身馬場，粉碎網傳上月底BB已經出世嘅假消息。
外傳城城為方媛安排每日費用約2萬港元嘅月子中心休養，仲加強保安以防遭打擾。兩人今年趁520宣佈懷孕，形容BB係「上帝賜予的珍貴禮物」，坦言內心充滿感恩。更傳聞城城會將價值 6000萬港元豪宅改為夫妻聯名，另贈200萬鑽石項鏈獎勵。
郭富城與方媛2017 年婚後，先後誕下大女郭詠希(Chantelle)與二女郭詠萱(Charlotte)。近年城城逐漸將重心轉向家庭：盡量抽時間陪伴女兒長大。