台慶劇《金式森林》中 陳曉華 終於嫁予 郭晉安 ，不過行禮前因為正拍攝其他場面，一早換晒婚紗扮靚等出嫁嘅Hera，就要將會做盡壞事嘅 何廣沛 嘅幫手影低靚靚造型。不過已公佈將會成婚嘅Matthew，攝影技巧就似乎爭少少喇。
拍檔Hera雖然唔多滿意，不過仍沉醉於自己嘅美貌，仲讚自己好似公主一樣，之但係百厭Matthew就話唔止公主咁簡單，仲要加多一個「病」字或者「癌」字，激到Hera選擇性失聰當聽唔到呀。講講吓佢仲戲常上身，指自己太過孤獨等足成日先會咁多愁善感，Matthew就真係冇佢咁好氣喇。
《金式森林》星期一至五晚 21:30 翡翠台