羅子溢聯同劇集《金式森林》拍檔呢日現身TVB台慶綜藝《攻你上大學》記招，而呢個節目由林盛斌（Bob）率領2025年港姐亞軍施宇琪、季軍袁文靜主持。眾人即場試玩節目遊戲，經過幾輪回合，子溢成功勝出！
《攻你上大學》將於10月27號於翡翠台黃金時段首播，為咗令觀眾更了解遊戲玩法，TVB炮製特備節目《點樣攻你上大學》就喺10月26號晚上9點45分播出。子溢喺記招試玩勝出，佢謙虛話自己贏在人生閱歷多，羅天宇笑指跟羅生到時一齊並肩作戰、共同進退。
子溢愛妻楊茜堯目前忙於拍新劇《玫瑰戰爭》，佢本來打算帶一對仔女去探太太班，點知阿女平時跟慣婆婆瞓，就卡喺呢個位，令子溢打消念頭，子溢嚟緊想帶仔女去離島同一啲博物館。
Bob今次夥拍兩位出爐港姐做主持，佢對兩位拍檔表現非常滿意，講到17歲大女林霏兒（Faye）被網民留言性騷擾，Bob讚阿女回應大方得體，一家人都給予Faye鼓勵。
《攻你上大學》10月27號起 22:30 翡翠台
