黃澤鋒細女熙喬兩個月大 眼仔睩睩跟家姐一樣可愛

黃澤鋒喺九月初嘅時候宣布細女「小貴妃」熙喬喺8月22日順利出世，眨吓眼，小貴妃經已兩個月大，澤鋒同大女小黃妃熙恩抱住小貴妃影合照，小貴妃眼仔睩睩跟家姐一樣精靈可愛，另一張相中，澤鋒跟懷中嘅前世情人對望非常溫馨，一家人又計劃好喺下月23號為小貴妃辦百日宴。

澤鋒早前受訪時，被問到太太58歲產子是否打破香港紀錄時，澤鋒笑言據知太太分娩嘅屯門醫院，喺多年前嘅最高紀錄都係58歲，今次佢哋係追平。無論數字如何，澤鋒眼中，最重視係太太及兩名寶貝女身體健康，一家人幸福快樂。