近年成為大律師又兼任大學講師嘅 朱千雪 ，與醫生 吳昆倫 成婚後去年誕下一子，升呢為媽咪後仲仍不時會兼顧幕前工作，化身為Super Mum代言人，一心多用非常犀利。
雖然平時各項工作已經夠晒忙，不過千雪仍然非常把握同囝囝相處嘅時間，呢日佢就公開自己同BB拍拖行街街嘅行程喇。雖然囝囝似乎瞓覺多過陪媽咪，不過千雪就仍然一面笑意，仲幽自己一默話New shopping buddy. 🛍️Old enough to participate, young enough not to ask me to buy anything. 👶🏻（新逛街夥伴，年紀夠大參與，但仲未識求媽咪買禮物）。
飲住咖啡一袋二袋戰利品嘅佢自得其樂，千雪亦非常貼地搭小巴出入，不過就記得要戴好安全帶，保持安全之餘仲可以避免可達5000元嘅罰款或3個月監禁呀。
千雪又喺限時動態出Post，指自己完成過唔少目標同工作，不過最近嘅一個成就，就係可以著住牛仔褲又用孭帶湊住瞓著BB嘅同時，可以順利喺商場如廁，對同樣身為媽咪嘅女士嚟講，真係感同身受呀。
