泰國王太后詩麗吉 Queen Mother Sirikit 10月24日晚病逝，享年93歲。網上消息指過往泰國皇室人員離世時，曾宣布「禁娛令」30日，令周末於曼谷舉行三場演唱會嘅爆紅K-Pop女團BLACKPINK 演出亦可能受到影響，大批來自世界各地嘅歌迷，都擔心會同偶像緣慳一面。
直至25日下午，主辦單位公告，25同26號演唱會將如常舉行，但為表對已故王太后詩麗吉嘅深深敬意，呼籲入場歌迷都以黑色服裝出席，表達對王太后詩麗吉嘅哀悼同尊重。
回顧泰王普密蓬2016年駕崩時，泰國政府設立一年哀悼期，並禁止公共娛樂活動30日，所有演唱會、節慶活動等都全面暫停，因故今次令歌迷非常關注相關消息。
