楊祐寧、邵雨薇、簡嫚書及范少勳等呢日現身新劇記招,活動當日係楊爸爸楊進元出殯火化嘅日子,楊祐寧哭腫雙眼顯得憔悴,全程努力擠出笑容。
![]()
對於好友修杰楷涉閃兵案,楊祐寧叫大家畀好友一啲時間,楊祐寧當年喺當紅時期棄600萬台幣高薪直接當兵,佢記得入伍嗰陣係24歲,當時年紀唔細,只係想快啲完成,佢跟學長相處得幾好,坦言當年受大環境影響,佢喺當兵後對自己工作及職業生涯規劃一度感到迷茫。![]()
邵雨薇今次喺劇中親密戲多,事前冇特別與男友吳慷仁討論,佢話自己好想爭取呢個角色,同時仲讚楊祐寧拍親密戲經驗非常豐富,令身邊嘅楊祐寧立即澄清!
![]()