日前因健康問題取消月中分別於吉隆坡及東京兩場演出嘅內地歌手 鹿晗 ，恢復狀態後周四、五於紅館一連展開兩場演出，佢更成為首位90後內地歌手獨自踏上紅館舞台開騷。兩場門票發售當刻即被「秒殺」，更有唔少歌迷早早為偶像安排遍佈全港嘅應援活動，各式公共交通工具以及電子屏幕鋪天蓋地，各區打卡點多點廿個，聲勢非常浩大。
10月25號星期六晚嘅演出係鹿晗今次巡演嘅尾場，今前已先後於內地同新加坡以及澳門，等先後舉辦23場演出，場場爆滿一票難求，加上最後一站香港嘅兩場，25場欣賞人數預料超過30萬人次，而內地社交平台上相關話題已經超過百億點擊。
鹿晗今次巡演邀請日本知名娛樂公司AMUSE設計舞台陳擔任總導演，音樂總監就由馬來西亞知名音樂人李乃剛出任，舞團則由日本國寶級冠軍團隊CHIBIUNITY主力成員組成，班底非常強大。鹿晗 星期五晚身穿電單車外奪現身，以《Keep Me Alive》盡展實力，現場歌迷熱情亦瞬間爆發，緊接嘅《超級冠軍》亦展現佢唱跳歌手嘅魅力。
鹿晗抵港後，亦曾被偶遇現身本港特色街市大排檔，於鵝頸街市熟食中心品嚐鵝腸、煎蠔仔烙等本地特色美食。
